ភ្នំពេញ៖ តាមប្រភពមិត្តរួមអាជីពសិល្ប លោក ជុំ ផានិត ហៅឌីជេកណ្តុរ បានបញ្ជាក់ថា តារាកំប្លែង នាយស្វិត បានទទួលមរណភាពនាព្រឹកថ្ងៃទី២៧ ខែមករា ឆ្នាំ២០២៤ នេះដោយសារឈាមកកខួរក្បាល និងមានជំងឺប្រចាំកាយ ខូចក្រលៀន និងជំងឺទឹកនោមផ្អែម។
លោក ជុំ ផានិត បានបញ្ជាក់បែបនេះ ក្រោយពីទទួលបានដំណឹងពីក្រុមគ្រួសាររបស់នាយស្វិត។ បើតាមលោក ផានិត មុននាយស្វិតទទួលមរណភាព នាយស្វិតនៅប៉ុន្មានថ្ងៃចុងក្រោយនេះបានធ្លាក់ខ្លួនឈឺធ្ងន់ធ្ងរជាខ្លាំង។
លោក ជុំ ផានិត បញ្ជាក់ថា លោក និងនាយស្វិតបានរៀបអានគ្នាជាមិត្តអស់រយៈពេល ១៨ឆ្នាំមកហើយ ពោលនាយស្វិតជាមនុស្សខិតខំប្រឹងប្រែងពុះពារតស៊ូខ្លាំងណាស់ បើទោះបីជាមានជំងឺប្រចាំកាយក៏ដោយ៕
